नवी दिल्ली : नरेंद्र मोदी यांनी ३० मे २०१९ रोजी भारताचे पंतप्रधान म्हणून दुसऱ्यांदा शपथ घेतली. राष्ट्रपतिभवनात झालेल्या शानदार सोहळ्यात त्यांच्यासह एकूण ५८ मंत्र्यांना राष्ट्रपती रामनाथ कोविंद यांनी पद आणि गोपनीयतेची शपथ दिली. मंत्रिमंडळाचे खातेवाटप ३१ मे २०१९ रोजी जाहीर झाले आहे. राजनाथसिंह यांच्याकडे संरक्षणमंत्रिपदाची जबाबदारी देण्यात आली असून, ‘भाजपचे चाणक्य’ म्हणून ओळखल्या जाणाऱ्या अमित शहा यांच्याकडे गृहमंत्रिपदाची जबाबदारी सोपवण्यात आली आहे. या मंत्रिमंडळात २४ कॅबिनेट मंत्री आणि २४ राज्यमंत्री आहेत. नऊ मंत्र्यांकडे राज्यमंत्रिपदाचा स्वतंत्र कार्यभार देण्यात आला आहे. मंत्रिमंडळाचे सविस्तर खातेवाटप येथे देत आहोत.

नरेंद्र मोदी : पंतप्रधान

कार्मिक, सार्वजनिक गाऱ्हाणी आणि निवृत्तिवेतन, अणुऊर्जा विभाग, अवकाश विभाग, सर्व महत्त्वाचे धोरणात्मक मुद्दे आणि अन्य मंत्र्यांकडे देण्यात न आलेली उर्वरित सर्व खाती.

कॅबिनेट मंत्री

राजनाथसिंह : संरक्षण 

अमित शहा : गृह

नितीन जयराम गडकरी : रस्ते वाहतूक, महामार्ग, सूक्ष्म, लघू आणि मध्यम उद्योग

डी. व्ही. सदानंद गौडा : रसायने आणि खते

निर्मला सीतारामन : अर्थ आणि कंपनी कामकाज (कॉर्पोरेट अफेअर्स)

रामविलास पासवान : ग्राहक संरक्षण, अन्न, नागरी पुरवठा

नरेंद्रसिंह तोमर : कृषी आणि शेतकरी विकास, ग्रामविकास आणि पंचायती राज

रविशंकर प्रसाद : कायदा आणि न्याय, दळणवळण, इलेक्ट्रॉनिक्स आणि माहिती तंत्रज्ञान

हरसिम्रतकौर बादल : अन्नप्रक्रिया उद्योग

थावरचंद गेहलोत : सामाजिक न्याय आणि सबलीकरण

डॉ. सुब्रह्मण्यम जयशंकर : परराष्ट्र व्यवहार

रमेश पोखरियाल निशंक : मनुष्यबळ विकास

अर्जुन मुंडा : आदिवासी विकास

स्मृती झुबिन इराणी : महिला, बालविकास आणि वस्त्रोद्योग.

डॉ. हर्ष वर्धन : आरोग्य आणि कुटुंबकल्याण, विज्ञान-तंत्रज्ञान, भू-विज्ञान

प्रकाश जावडेकर : पर्यावरण, वने आणि हवामानबदल, माहिती आणि प्रसारण

पीयूष गोयल : रेल्वे, वाणिज्य आणि उद्योग

धर्मेंद्र प्रधान : पेट्रोलियम आणि नैसर्गिक वायू, पोलाद

मुख्तार अब्बास नक्वी : अल्पसंख्याक

प्रल्हाद जोशी : संसदीय कामकाज, कोळसा आणि खाणी

डॉ. महेंद्रनाथ पांडे : कौशल्यविकास आणि उद्योजकता

अरविंद सावंत : अवजड उद्योग आणि सार्वजनिक क्षेत्रातील उद्योग

गिरिराजसिंह : पशुधन विकास, डेअरी आणि मत्स्य

गजेंद्रसिंह शेखावत : जलशक्ती